Ocannu in su mese de Nadale non mancant sos apuntamentos cun sa limba sarda, pro more de s'initziativa "Sas dies de sa limba sarda" ativada dae sa Provìntzia de Aristanis.
Fintzas in sas iscolas de Aristanis no ant a mancare sos apuntamentos cun sa limba e cun sa cultura. In fatu iscriimus sas datas e sos oràrios:
S'est incomintzadu eris, prima die de su mese, a sas 10 de manzanu in s'Istitutu Istatale de Arte cun su tema "S'arte a su tempus de sos nuraghes".
Oe, semper a sas 10, in su Liceu Iscientìficu "Mariano IV" s'at a tratare s'argumentu "S'istòria de Sardigna".
Su 15 a sas 10 in s'Istitutu Magistrale "B. Croce" s'at a faeddare de "Limba sarda e literadura".
Su 16 a sas 11 e mesa in su Liceu Clàssicu "De Castro", Bachisio Bandinu e Salvatore Cubeddu ant a faeddare de "Bìvere in Sardigna: biddas e tzitades".
S'initziativa "Sas dies de sa limba sarda", inaugurada su 27 de custu mese, aunit mamentos de formatzione a mamentos de divertimentu e de ispetàculu.
